Limpeza Boa - Barquiña

Data

Venres, 12 de maio de 2023

Hora

14:30 h

Punto de encontro

Porto de Testal

Antes da limpeza

Estado da zona

O mapa indica as cantidades de lixo detectadas na zona da limpeza

Zonas de limpeza

Protocolo

A área de actuación exténdese dende Praia de Boa Grande até o pantalán da Barquiña de Noia. Está dividida en 9 zonas (A, B, Clasificación, D, E, F, G, H e I) (Véxase mapa). A área de clasificación dos residuos montarase no Testal na explanada entre o clube de remo e o viaduto (no mesmo sitio que as limpezas de anos pasados).

Cada zona ten un grupo de participantes asociado cos/coas correspondentes coordinadores/as.

Tómase lista ás 14:30 h no punto de encontro na explanada que hai entre o clube de remo e o viaduto, e desde aquí uns pouquiños irán camiñando ás zonas de limpeza (grupos E e F), e os restantes terán que desprazarse en coche. O lugar de clasificación é a explanada entre o clube de remo e o viaduto (xa estivemos clasificando alí varias veces ¡¡¡); ao final da limpeza da nosa zona, desprazámonos a este punto, para axudar na clasificación e firmar o parte de asistencia.

IMPORTANTE: Todos deben firmar o parte de asistencia antes de marchar, para poder xustificar a súa participación; entregarase unha copia como comprobante. O horario mínimo de traballo é de 4 horas. O lugar onde se firmará o parte de asistencia é a zona de clasificación, entre o clube de remo e o viaduto, e os encargadas son Rafa e Pancho (de Arcea), xunto con Quico (presidente da agrupación) e outros membros da directiva da agrupación.

Material requerido

2 bolsas pequenas (das da froita do súper)
luvas de traballo,
chaleco de vixilancia da confraría,
roupa/calzado axeitado (os tramos H e I teñen canas e estarán molladas),
gafas protectoras para os ollos (na medida do posible; só nos tramos H e I os que hai canas)
navalla afiada para cortar cordas enredadas,
capacho.
Sacho pequeno para desenterrar residuos.

Residuos a recoller

Plásticos (grandes, pequenos e pequeniños ¡¡¡)
Goma
Vidro
Porcelana
Azulexos
Metal
Téxtiles
Madeira tratada/pintada (palets, pezas de barcos, etc)

Non recolleremos:

Orgánicos (excepto: madeira tratada/pintada (palets, pezas de barcos, etc))
Escombro (uralita, moreas de ladrillo,…)

Nesta limpeza centrarémonos na recollida de lixo pequeno, polo que é importante que traiades de casa dúas bolsiñas pequenas.

Puntos de depósito

Praia da seca de Broña.
Na pista á altura de punta Picouto.
Na pista un pouco máis adiante de punta Picouto.
Na área recreativa de punta Requeixo.

Reparto dos Grupos

A distribuír no punto de encontro. Con cada grupo irá un coordinador como mínimo. (P= persoas)

A: 25 P Praia de Boa Grande.

B: 15 P Praia de Boa Chica até o 2º cartel de prohibido mariscar.

D: 15 P Desde o cartel de prohibido mariscar até as pasarelas de Testal.

E: 25 P Testal oeste (praia e xunqueira, desde as pasarelas até o porto).

F: 25 P Testal leste (desde o porto, ao longo da praia).

G: 20 P Obre (desde a Cruz Vermella).

H: 25 P Abruñeiras (paseo de Noia).

I: 25 P Praia da Barquiña (punta da depuradora-pantalán)..

Clasificación: 7 P Na explanada entre o clube de remo e o viaduto.

A ter en conta

Atención aos líquidos descoñecidos. Non verter!
Voluminosos, transportar sen metelos nos sacos.
Recollemos tamén pezas pequenas plásticas (hai moitas), xa que son as que primeiro entran na cadea alimentaria e poden chegar a afectar ao marisco.