Limpeza Punta Albán – Punta Paralada

Data

Xoves, 11 de maio de 2023

Hora

13:00 h

Punto de encontro

Hospital de Seilán

Antes da limpeza

Estado da zona

O mapa indica as cantidades de lixo detectadas na zona da limpeza

Zonas de limpeza

Protocolo

A área de actuación exténdese dende Punta Albán (pantalán) (Outes) até a Punta Paralada (Noia). Está dividida en 11 zonas (A, B, Clasificación, D, E, F, G, H, I, J e K) (Véxase mapa). A área de clasificación dos residuos montarase no aparcamento do antigo hospital de Seilán (xa estivemos clasificando alí varias veces).

Cada zona ten un grupo de participantes asociado cos/coas correspondentes coordinadores/as.

Tómase lista ás 13:00 h no punto de encontro no explanada do antigo hospital de Seilán, e desde aquí uns pouquiños irán camiñando ás zonas de limpeza (grupos F, G, H e I), e outros terán que desprazarse en coche. O lugar de clasificación é nunha explanada xunto ao antigo hospital de Seilan (xa estivemos clasificando alí varias veces ¡¡¡); ao final da limpeza da nosa zona, desprazámonos a este punto, para axudar na clasificación e firmar o parte de asistencia.

IMPORTANTE: Todos deben firmar o parte de asistencia antes de marchar, para poder xustificar a súa participación; entregarase unha copia como comprobante. O horario mínimo de traballo é de 4 horas. O lugar onde se firmará o parte de asistencia é a zona de clasificación, no antigo hospital de Seilán, e os encargadas son Rafa e Pancho (de Arcea), xunto con Quico (presidente da agrupación) e outros membros da directiva da agrupación.

Nesta limpeza centrarémonos nalgúns tramos na recollida de lixo pequeno, polo que é importante que traiades de casa dúas bolsiñas pequenas (das da froita do súper).

Material requerido

2 bolsas pequenas (das da froita do súper)
luvas de traballo,
chaleco de vixilancia da confraría,
roupa/calzado axeitado (o tramo G ten canas e poden estar molladas),
gafas protectoras para os ollos (na medida do posible); só no tramo G ; HAI QUE TER MOITO COIDADO COS OLLOS CANDO NOS AGACHEMOS A RECOLLER O LIXO ENTRE CANAS,
navalla afiada para cortar cordas enredadas,
capacho.
Sacho pequeno para desenterrar residuos.

Residuos a recoller

Plásticos (grandes, pequenos e pequeniños ¡¡¡)
Goma
Vidro
Porcelana
Azulexos
Metal
Téxtiles
Madeira tratada/pintada (palets, pezas de barcos, etc)

Non recolleremos:

Orgánicos (excepto: madeira tratada/pintada (palets, pezas de barcos, etc))
Escombro (uralita, moreas de ladrillo,…)

Nesta limpeza centrarémonos na recollida de lixo pequeno, polo que é importante que traiades de casa dúas bolsiñas pequenas.

Puntos de depósito

Xunto ao pantalán de punta Albán.
Xunto á praia de Arnela.
Debaixo do viaduto de Langano.
Debaixo do viaduto de Seilán.
Debaixo do viaduto de Seilán, extremo sur.
Punta Paralada e contorna.

Reparto dos Grupos

A distribuír no punto de encontro. Con cada grupo irá un coordinador como mínimo. (P= persoas)

A: 20 P Pantalán de Punta Albán, en dirección a Broña.

B: 20 P Pantalán de Punta Albán até a praia de Arnela.

D: 25 P Desde o viaduto de Langano até a praia de Arnela.

E: 25 P Contorna do viaduto de Langano.

F: 10 P Contorna do viaduto de Seilán.

G: 15 P Ponte de Seilán (canas).

H: 10 P Intermedio ponte de Seilán – Punta Peón.

I: 20 P Punta Peón.

J: 15 P Punta Paralada I (cara Punta Peón).

K: 25 P Punta Paralada II (cara o pantalán do cruceiro da Barquiña)

Clasificación: 7 P Na explanada de sempre no antigo hospital de Seilán.

A ter en conta

Atención aos líquidos descoñecidos. Non verter!
Voluminosos, transportar sen metelos nos sacos.
Recollemos tamén pezas pequenas plásticas (hai moitas), xa que son as que primeiro entran na cadea alimentaria e poden chegar a afectar ao marisco.