Limpeza Siavo - Barquiña de San Cosme

Data

Martes, 09 de maio 2023

Hora

11:00 h

Punto de encontro

Aparcadoiro da praia de Broña.

Antes da limpeza

Estado da zona

O mapa indica as cantidades de lixo detectadas na zona da limpeza

Zonas de limpeza

Protocolo

A área de actuación exténdese dende Siavo (asteleiro) até a Barquiña de San Cosme. Está dividida en 10 zonas (A, B, Clasificación, D, E, F, G, H e I) (Véxase mapa). A área de clasificación dos residuos montarase no extremo oeste da praia de Broña (no mesmo sitio que limpezas pasadas).

Cada zona ten un grupo de participantes asociado cos/coas correspondentes coordinadores/as.

Tómase lista ás 11:00 h no punto de encontro no aparcadoiro da praia de Broña, e desde aquí imos camiñando ás diferentes zonas de limpeza. Os grupos A de Siavo e J da Barquiña de San Cosme desprázanse en coche. O lugar de clasificación é no extremo oeste da praia de Broña (xa estivemos clasificando alí varias veces); ao final da limpeza da nosa zona, desprazámonos camiñando a este punto, para axudar na clasificación e firmar o parte de asistencia.

Material requerido

2 bolsas pequenas (das da froita do súper)
luvas de traballo,
chaleco de vixilancia da confraría,
roupa/calzado axeitado (os tramos H e I teñen canas e estarán molladas),
gafas protectoras para os ollos (na medida do posible; só nos tramos H e I os que hai canas)
navalla afiada para cortar cordas enredadas,
capacho.
Sacho pequeno para desenterrar residuos.

Residuos a recoller

Plásticos (grandes, pequenos e pequeniños ¡¡¡)
Goma
Vidro
Porcelana
Azulexos
Metal
Téxtiles
Madeira tratada/pintada (palets, pezas de barcos, etc)

Non recolleremos:

Orgánicos (excepto: madeira tratada/pintada (palets, pezas de barcos, etc))
Escombro (uralita, moreas de ladrillo,…)

Nesta limpeza centrarémonos na recollida de lixo pequeno, polo que é importante que traiades de casa dúas bolsiñas pequenas.

Puntos de depósito

Praia da seca de Broña.
Na pista á altura de punta Picouto.
Na pista un pouco máis adiante de punta Picouto.
Na área recreativa de punta Requeixo.
No peirao da Barquiña de San Cosme.

Reparto dos Grupos

A distribuír no punto de encontro. Con cada grupo irá un coordinador como mínimo. (P= persoas)

Grupo A, 20 persoas: Siavo (zona de praias, até o asteleiro). Este grupo desprázase en coche.

Grupo B, 25 persoas: Fondo da seca de Broña (praia e varadoiro).

Grupo D, 30 persoas: Seca de Broña (intermareal).

Grupo E, 25 persoas: Praia e intermareal de Broña.

Grupo F, 45 persoas: Praias a continuación de Broña (son 2 praias).

Grupo G, 25 persoas: Contorna de Punta Requeixo.

Grupo H, 25 persoas: Enseada de Requeixo, 1º sector.

Grupo I, 40 persoas: Enseada de Requeixo, 2º sector.

Grupo J, 25 persoas: Intermareal da Barquiña de San Cosme. Este grupo desprázase en coche.

Clasificación: 7 persoas: Extremo oeste praia de Broña

A ter en conta

Atención aos líquidos descoñecidos. Non verter!
Voluminosos, transportar sen metelos nos sacos.
Recollemos tamén pezas pequenas plásticas (hai moitas), xa que son as que primeiro entran na cadea alimentaria e poden chegar a afectar ao marisco.